Цагдаагийн байгууллагаас нийт 14 хүнийг хэрэгт холбогдуулан баривчилсан ба Мумбай хотод тавдугаар сарын сүүлээс зургаадугаар сарын эхний хооронд нийт 12 явуулын цэг байршуулж, 2000 хүнд хуурамч вакцин тарьсан болохыг илрүүлжээ. 

Тус хэрэг илчлэгдэхээс өмнө ойролцоогоор 28 мянган ам.долларын хөрөнгө бусдаас залилж, оронд нь давсны уусмалыг вакцин хэмээн итгүүлж мэхэлсэн аж. 

Мумбай хотын цагдаагийн хэлтсийн ахлагчийн мэдээлэлж байгаагаар гэмт этгээдүүд явуулын бүх цэгтээ давсны уусмал шахаж байсан бөгөөд хэдэн эмчийг баривчилсан ба тэд эмнэлгийн байгууллагыг ашиглан хуурамчаар вакцины гэрчилгээ үйлдэж байсан байна. 

Харин залилуулснаа мэдсэн хүмүүс өөрсдийн биед юу шахуулснаа л мэдэхийг хүсэж байна хэмээж байсан бол нэгэн иргэний мэдүүлж байгаагаар “Манай гэрийн зургаан гишүүн зургуулаа тус тариулсан. Хэрэв бидэнд ямар нэг зүйл тохиолдвол яах вэ? Хэн хариуцлага хүлэх вэ?” хэмээжээ. 

Одоогоор давсны уусмалаас болж амь алдсан тохиолдол байхгүй байна. 

Хэргийг үйлдсэн этгээдүүдийн дунд хүний амь бүрэлгэсэн, залилан, гэмт хэргийн намтартай хүмүүс ч байжээ.


Эх сурвалж: UNILAD 

Share