Ирэх долоо хоногт Вьетнамын нийслэл Ханой хотноо болох БНАСАУ-АНУ-ын удирдагчдын хоёр дахь дээд хэмжээний уулзалтын олон улсын хэвлэл мэдээллийн төвийг өнгөрсөн бямба гарагт нээжээ.

Соёл найрамдлын ордонд байрладаг дээрх төвийг нээх ёслолд Вьетнамын Ерөнхий сайдын орлогч, Гадаад хэргийн сайд Фам Бинь Минь тэргүүтэй төлөөлөгчид оролцсон байна. Энэхүү төв нь хоёрдугаар сарын 26-наас үйл ажиллагаагаа албан ёсоор эхлүүлэх ажээ.

"Хоёр орны удирдагчдын дээд хэмжээний уулзалт болон хоёр талын арга хэмжээнүүдийг хоёрдугаар сарын 27-28-нд зохион байгуулах бэлтгэлийг Вьетнам улс бүрэн хангасан" гэж хэвлэл мэдээллийн төвийг нээх ёслолын үеэр Ерөнхий сайдын орлогч хэлсэн байна.



Эх сурвалж: МОНЦАМЭ агентлаг