Сэтгэл хөдлөлөө хянаж, энэрэл, нигүүлсэлд хүрэхийн ач холбогдлыг ойлгож ухаарахад шинжлэх ухаан, боловсрол тусална гэдгийг хүмүүс ойлговол ойрын 20 жилийн дотор дэлхий дахин амар амгаланд хүрч чадна хэмээн Дээрхийн гэгээн XIV Далай лам мэдэгджээ. Тэрбээр энэ тухай Энэтхэгийн Дарамсала хотод Оросын эрдэмтэдтэй хийсэн бага хурлын үеэр хэлсэн байна.


“30-аас доош насныхан даян дэлхийн энэрэл нигүүлслийн ертөнцийг харж чадах байх. Бидний үеийхэнд үүнийг харах завшаан олдохгүй хэдий ч ийм ертөнцийг бүтээх нь бидний үүрэг хариуцлага юм. Өнөө үед дэлхий дахинд геополитикийн хурцадмал байдал үүсэх болон цэргийн сөргөлдөөн гарсан хэвээр байгаа хэдий ч сүүлийн жилүүдэд Буддын шашны тэргүүнүүд эрдэмтэд, хүн төрөлхтний үзэл санаанд бий болоод буй эерэг өөрчлөлтийг харж байна. 1930-аад оны үед эрдэмтэд цөмийн зэвсгийн талаар ярихдаа ихээхэн сэтгэл хангалуун байдаг байсан. Гэтэл өнөө цагт эсрэгээрээ цөмийн зэвсгийн хүчин чадлыг бууруулах, цөмийн зэвсгээс ангижрахад чиглэгдсэн хандлага ажиглагдаж байгаа нь хүн төрөлхтний соёл иргэншил бүрэн боловсорч байгаагийн шинж юм” хэмээн Далай лам ярьжээ.


Эх сурвалж: Монцамэ агентлаг