Монгол Улсын Үндсэн хуулийн Гучин гуравдугаар зүйлийн 1 дэх хэсгийн 5 дахь заалт, Монгол Улсын Ерөнхийлөгчийн тухай хуулийн 14 дүгээр зүйлийн 3, Дипломат албаны тухай хуулийн 16 дугаар зүйлийн 1 дэх хэсгийг тус тус үндэслэн Монгол Улсын Ерөнхийлөгч Халтмаагийн Баттулга өнөөдөр Монгол Улсаас АНУ-д суугаа Онц бөгөөд Бүрэн эрхт Элчин сайд Ё.Отгонбаярыг эгүүлэн татах тухай зарлиг гаргалаа.

Монгол Улсын Ерөнхийлөгчийн зарлиг гарсантай холбогдуулан Ерөнхийлөгчийн Тамгын газрын дарга Ө.Шижир өнөөдөр Гадаад харилцааны сайд Б.Батцэцэгт албан бичиг хүргүүлж, холбогдох арга хэмжээг ойрын хугацаанд авч ажиллахыг хүсэв гэж Ерөнхийлөгчийн Тамгын газраас мэдээлэв.

Монгол Улсаас АНУ-д суух Онц бөгөөд Бүрэн эрхт Элчин сайд Ё.Отгонбаяр АНУ-ын Ерөнхийлөгч Доналд Трампд Итгэмжлэх жуух бичгээ өргөн барив. 2018.03.28

Ерөнхийлөгч Х.Баттулга өмнө нь буюу өнгөрсөн гуравдугаар сарын 09-нд Элчин сайд Ё.Отгонбаярыг эгүүлэн татах асуудлыг зөвшилцөхөөр УИХ-ын дарга Г.Занданшатарт албан бичиг хүргүүлсэн. 

Уг асуудлаар МАН-ын бүлэг хуралдаж, Ё.Отгонбаярыг эгүүлэн татах нөхцөл үүсээгүй байна гэж үзсэн хэмээн МАН-ын бүлгийн дарга Д.Тогтохсүрэн хаврын чуулган эхэлсэн өдөр мэдээлсэн. Тэгвэл өнөөдөр Ерөнхийлөгч эгүүлэн татах тухай зарлиг гаргажээ.



Share