АН-ын дарга С.Эрдэнэ өнөөдөр сахилгын шийтгэл ногдуулах тухай тушаал гаргаж, УИХ-ын гишүүн Л.Болд, Д.Мурат нарын АН-аас нэр дэвших эрхийг 4 жилээр, УИХ-ын гишүүн Ж.Батзанданг АН-ын гишүүнээс 4 жилийн хугацаатайгаар хаслаа.
Учир нь өнгөрсөн баасан гарагт УИХ-ын чуулганы нэгдсэн хуралдаанаар нэр бүхий дээрх УИХ-ын 3 гишүүн нь Засгийн газрыг огцруулахыг эсэргүүцэж кноп дарсан юм. Харин АН-ын бүлэг өнгөрсөн долоо хоногийн эхээр хуралдаж, Засгийн газрыг огцруулахыг гишүүд бүгд дэмжиж, нэгдсэн байр суурьтай байх ёстой гэсэн чиглэлийг гишүүддээ өгсөн.
Уг асуудлаар АН-ын дүрмийн хороо өнөө өглөө хуралдаж, УИХ-ын гишүүн Л.Болд, Д.Мурат. Ж.Батзандан нарыг намаас гаргасан тус чиглэлийг баримталж ажлаагүй, намын дүрэм зөрчсөн гэж үзэн, дүгнэлтээ намын дарга С.Эрдэнэд хүргүүлсэн байна. Тус дүгнэлтийн дагуу АН-ын дарга С.Эрдэнэ тушаал гаргаж, дээрх гишүүдэд сахилгын шийтгэлийг ногдуулж буй аж.
103.26.194.42
Хариулах 2018.12.05
Ардчилал байхгүй ардчилсан нам болжээ.Шударга үнэнийг ард түмэн харж байгаа Эрдэнэ гэдэг энэ хүн шудрага бус хүн юм байна ичмээр .
0 0