Кайли Женнер 21 насандаа Марк Зукербергийн амжилтыг эвдлээ

2019-03-06 11:03 Нийтэлсэн Э.Мөнхтуяа 4 мин унших

Кайли Женнер албан ёсоор хамгийн залуу тэрбумтан болжээ

Өдгөө 21 настай Кайли Женнер нь фэйсбүүкийг үүсгэн байгуулагч Марк Зукербергийн байр суурийг эзлэн, бүх цаг үеийн хамгийн залуу тэрбумтан болжээ.

Форбес сэтгүүл өнгөрсөн мягмар гарагт жил бүр гаргадаг тэрбумтануудын жагсаалтаа гаргажээ. Олон сар хүмүүсийн анхаарлыг дагуулсны эцэст Кайли Женнер албан ёсоор шинэ залуу тэрбумтаны жагсаалд багтжээ. Тэр хамгийн залуу тэрбумтанаас гадна өв хөрөнгө уламжлан аваагүй, өөрийн косметикийн бизнесийн хүчээр энэхүү амжилтад хүрсэн гэдгээрээ онцлогтой.

Марк Зукерберг нь 11 жилийн өмнө буюу 23 насандаа энэхүү жагсаалтад орсон байдаг.

Реалити шоуны алдартай гэр бүлийн хамгийн залуу гишүүн Кайли Женнер гэр бүлдээ ч гэсэн тэрбумд хүрсэн анхны амжилтыг тогтоосон байна.

Тэрбээр 2015 онд гоо сайхны компаниа байгуулж, хурдан хугацаанд гайхалтай амжилтад хүрсэн ба одоо түүний компани нь 900 сая ам.долларт хүрчээ.

Кайли Женнер компанийнхаа хувьцааг 100 хувь өөрөө эзэмшдэг ба гэр бүлийн шоунаас тусдаа орлоготой. Мөн тэрээр үл хөдлөх хөрөнгийн гайхалтай портфельтой аж.

Кайли Женнер амжилтад хүрэхэд нь олон нийтийн мэдээллийн хэрэгсэл тэр дундаа бүтээгдэхүүнээ гаргахаас өмнө олон сая дагагчтай байсан нь хэрэглэгчдийн суурийг бататгахад тусалсан хэмээн мэдэгджээ. Түүний амжилтад гэр бүлийн гишүүд нь твиттер хуудсаараа дамжуулан баяр хүргэсэн байна.