Ханиадтай үед унтаж амрах нь хамгийн зөв эмчилгээ. Биед тань хуримтлагдсан вирусыг дарж, дархлаа сайжруулахад хамгийн тустай. Хэрвээ та хаврын энэ жихүүн өдрүүдэд ханиад томуу хүрсэн бол унтахынхаа өмнө дараах зөвлөгөөг нэг дагаарай. 


1. Зөгийн балтай цай

Ханиадыг эмчлэх сонгодог арга“тахианы шөл” шиг л таны ханиадыг эдгээх болно. Халуун юм уух нь битүүрсэн хамрыг нээж өгдөг бөгөөд зөгийн бал нь сөөсөн хоолойг эдгээнэ. Мөн ханиалгах шинж тэмдэгийг арилгадаг байна.


2. Шүршүүрт орох

Халуун шүршүүрт орох нь таны битүүрсэн хамрыг нээхэд тустай. Мөн ядаргааг тайлж, тайвшруулах болно


3. Агаар чийгшүүлэгч

Хүйтний улиралд хуурай гэрт байх нь муу. Тиймээс агаар чийгшүүлэгчээр орчиноо чийгтэй болгоорой. Анхааруулж хэлэхэд агаар чийгшүүлэгчээ ойр ойрхон цэвэрлэхгүй бол бактери үржих аюултай шүү.


4. Өндөр дэр

Орон дээр дээшээ харж унтахаар ханиалга улам нэмэгддэг. Тиймээс тайван тухтай унтахын тулд дэрээ өндөрлөх хэрэгтэй.


5. Эм

Ханиад томууны ихэнх эмнүүд нойрсуулах үйлчилгээтэй байдаг. Гэхдээ уухаасаа өмнө эмчийн заавар, найрлагыг нь харахаа битгий мартаарай. Мөн дээр нь "daytime” эсвэл “non-drowsy” гэж бичсэн байвал харин ч эсрэгээрээ сэргэг байлгах үйлчилгээтэй юм шүү.


6. Хүчлэх хэрэггүй

Хэрвээ унтаж чадахгүй бол, өрөөнийхөө өөр хэсэгт унтах гээд үз. Эсвэл ном унших, хөгжим сонсох, бүлээн цай ууж болно шүү дээ.