Дэлхийн дулаарал болон агаарын бохирдолтой тэмцэхийн тулд Хятад улсад бүх байшин барилга нь өвс ногоо, ой модоор бүрхэгдсэн хамгийн анхны “Ойн хот”-ыг байгуулахаар төлөвлөжээ.
“Лючжоу ойн хот” Хятадын өмнөд хэсгийн Гуанси уулархаг нутагт Люцзян эргийн гол дагуу 175 га газрыг эзлэн сүндэрлэх ажээ.
Лючжоу хотод хамгийн багадаа 30 мянган хүн оршин суух боломжтой юм.
Офис, орон сууц, зочид буудал, эмнэлэг, сургуулиудын барилгыг нийтдээ 40 000 мод, 1 сая гаруй ургамал ногоо бүрхэх юм байна.
Эдгээр ногоон ургамлууд жилд ойролцоогоор 10 000 тонн CO2, 57 тонн бохирдуулагч бодисуудыг шингээн авч, 900 тонн хүчилтөрөгч үйлдвэрлэх юм.
Тус хотыг дайран төмөр зам болон цахилгаан хөдөлгүүртэй автомашинуудад зориулсан зам тавигдана.
Орон сууцны хорооллууд, үзвэр, үйлчилгээний газрууд, эмнэлэг болон хоёр сургууль баригдана.
Анхны ногоон хотын барилгын ажил 2020 онд эхэлнэ.