Монголбанк 2018 онд буюу 12 дугаар сарын 31-ний өдрийн байдлаар нийт 22 тонн алт худалдан авжээ. Энэ нь өмнөх оны мөн үед 20 тонныг авч байснаас 9.5%-иар ахиу байна. 

Ийнхүү алт худалдан авалтын дүн өмнөх оны мөн үеэс давж биелэхэд 2018 оны 06-р сарын 04-нөөс 10-р сарын 30-ны өдрийг дуустал “Эх орныхоо алтыг Эрдэнэсийн сандаа” аяныг улс орон даяар амжилттай хэрэгжүүлсэн нь эерэгээр нөлөөлсөн байна.

Мөн энэ оны 10 дугаар сарын 15, 18-нд орон нутагт буюу Дархан-Уул, Баянхонгор аймагт байгуулсан алтны сорьц тогтоох, худалдан авах нэг цэгийн төв байгуулсан нь үр дүнгээ өглөө гэж үзжээ.

 

Эх сурвалж: Монголбанк