Өнгөрсөн онд дэлхий нийтийн хүлэмжийн хийн ялгарал урьд өмнө байгаагүй өндөр хэмжээнд хүрсэн тухай НҮБ-ын шинэ тайланд мэдээлэв.

Мягмар гарагт Парис хотод НҮБ-ын Хөгжлийн хөтөлбөрийн танилцуулсан тайланд мэдээлснээр, 2017 онд дэлхий нийтийн хүлэмжийн хийн ялгарлын хэмжээ 53.5 тэрбум тоннд хүрсэн аж. Энэ нь өмнөх оны үзүүлэлттэй харьцуулахад 1.3 хувиар өссөн байна.

"Дэлхийн агаарын хэмийг дунджаар хоёроос бага хувиар нэмэгдэж байгааг хэвээр хадгалж, хэт халалт, хүчтэй аадар бороо болон үерийн гамшиг зэрэг уур амьсгалын өөрчлөлтийн сөрөг үр дагаврыг багасгахын тулд 2030 он гэхэд хүлэмжийн хийн ялгарлыг 40 тэрбум тонн болгон бууруулах шаардлагатай" гэж уг тайланд онцлон тэмдэглэсэн байжээ.

Түүнчлэн дэлхийн улс орнууд дорвитой арга хэмжээг авч хэрэгжүүлж эхлэхгүй бол 2030 он гэхэд дээрх үзүүлэлт 59 тэрбум тоннд хүрэх төлөвтэй байгаа юм.

Энэ долоо хоногийн ням гарагт Польш улсад эхлэх уур амьсгалын өөрчлөлтийн талаархи НҮБ-ын хурал дээр энэхүү тайлангийн талаар хэлэлцэнэ. 



Эх сурвалж: МОНЦАМЭ агентлаг, NHK