ОУВС-гийн Захирлуудын зөвлөлийн өчигдрийн хурлаар Монголын асуудлыг хэлэлцэх байсан ч хойшилсон тухай Монголбанкнаас мэдээллээ. Тухайлбал Монголбанкны Мөнгөний бодлогын газрын захирал Б.Баярдаваа "ОУВС-гийн ажлын хэсэг хөтөлбөрийнхөө үнэлгээг II улирлын байдлаар хийж гүйцэтгээд явсан. Хөтөлбөрийн үнэлгээнд зорилтууд бүгд хангагдсан гэсэн нэгдсэн дүгнэлтэд хүрсэн байгаа. Энэ дүгнэлтийг танилцуулах хурал есдүгээр сарын 25-нд болох байсан боловч хойшилсон. Хойшилсон нь Засгийн газар огцорсонтой холбоотой. Тэд шинээр бүрэлдэх Засгийн газартай уулзаж ОУВС-тай тохирсон бодлогын арга хэмжээнүүд цаашид хэрэгжих үү гэдгийг ярьж, тохирч, үнэлгээгээ хэрэгжүүлнэ гэсэн байгаа" гэв. Энэ нь ОУВС манай шинэ Засгийн газрын бодлогыг харзнаж байгаа хэрэг юм.
Тогтвортой хөгжлийг дэмжигч
