НИТХ-ын 11 дүгээр хуралдаан өнөөдөр үргэлжилж, НИТХ-ын даргаар С.Амарсайханыг сонгов. Хуралдаанд НИТХ-ын 45 гишүүнээс 41 төлөөлөгч оролцож, нууц санал хураалтаар 21 төлөөлөгч буюу 51.2 хувь нь С.Амарсайханд санал өгснөөр тэрээр НИТХ-ын дарга боллоо.
НИТХ-ын даргаар сонгогдсон С.Амарсайхан гэж хэн бэ?
Сургууль:
- 1981-1991 онд Налайхын бага, дунд сургууль,
- 1994-1996 онд АНУ-ын Пресно хотын коллеж,
- 1996-1998 Ютa Мужийн Коллеж,
- 1998-2000 онд Соут Вест Их сургуульд суралцаж төгссөн. Эрх зүйн Магистр зэрэгтэй.
Ажил:
- 1992-1993 онд Монгол улсын Шинжлэх Ухаан, Мэдээлэл Технологийн Төвийн ажилтан,
- 2000-2004 онд Монгол Улсаас БНХАУ-д суугаа Элчин Сайдын Яамны Консулын ажилтан, Атташе,
- 2004-2007 онд Американ Трейд & Девелопмент компанид гадаад худалдааны менежер,
- 2007 оноос “Оюуны Ундраа Групп” ХХК-ийн Гүйцэтгэх захирал, Ерөнхий захирал, ТУЗ-ын даргаар тус тус ажиллаж байна.
Сонгуульт ажил:
2012 оноос хойш НИТХ-ын Төлөөлөгчөөр хоёр дахь удаагаа сонгогдон ажиллаж байна. Энэ хугацаанд НИТХ-ын Тэргүүлэгч, Хот байгуулалт, дэд бүтцийн хороо, Санхүү, Төсөв, эдийн засгийн хороо болон “Ухаалаг Улаанбаатар” Хөгжлийн хорооны гишүүн, Нийслэлийн Авто Худалдааны төвийн ТУЗ-ын гишүүнээр ажиллаж ирсэн бөгөөд 2016 оноос НИТХ-ын Санхүү, Төсөв, эдийн засгийн хорооны дарга, өмч хувьчлалын комиссын гишүүнээр тус тус ажиллаж байсан.
103.26.193.245
Хариулах 2019.06.04
1991 онд арав төгсөөд 1994 он хүртэл ямар нэг сургуульд ороогүй байна. тэгсэн мөртлөө 1992-1993 оны хооронд нэг жил хүрэхгүй хугацаанд мэдээлэл технологийн төвд мэргэжилтэн гэсэн чин одоо юу гэсэн ч үгийн. ямар мэргэжил эзэмшсэн болоод шинжлэх ухааны төвд мэргэжилтэн болчихов оо энэ луйварчин чинь
0 0