Шашны сэдвээр даажин тохуу хийх аваас 5 жил шоронд хорих ял онооно гэж Саудын Аравийн Ерөнхий прокурорын газар твиттер хуудсандаа мэдэгджээ.  
 
“Шашны үнэт зүйлс, нийгмийн дэг журам, ёс суртахууны талаар тоглоом даажин хийсэн агуулгатай контентуудыг нийгмийн сүлжээгээр түгээх явдлыг кибер гэмт хэрэг гэж үзэх болно” гэж дээрх мэдэгдэлд анхааруулсан байна. Буруутай этгээдийг 5 хүртэлх жилийн хугацаагаар шоронд хорьж, дээр нь 3 сая риалаар /810 мянган доллар/ торгох ажээ.  
 
2012 онд тус улс дахь шашны дэг жаяг, шашны цагдаагийн газрыг шүүмжилсэн “Саудын Аравийн чөлөөт сүлжээ” гэдэг цахим хуудсыг үүсгэн байгуулагч Раиф Бадави-г баривчилсан байна. Мөн исламын шашныг доромжилсон, кибер гэмт хэрэг үйлдсэн, эцэгтээ захирагдаагүй гэж түүнийг буруутгажээ. Одоо Р.Бадави шоронд 10 жилийн хорих ял эдэлж байна.



Эх сурвалж: МОНЦАМЭ агентлаг