Бруклины старт ап Light хүмүүсийг ухаалаг гар утаснаас нь салгах боломжгүй гэмээр зорилт тавьжээ. Light компани 2014 онд үүсгэн байгуулагдаж жилийн дараа анхны бүтээл болох Light Phone-ийг гаргажээ. Энэ утсаар дуудлага хийж, мессеж бичиж, цаг харах боломжтой. Компанийн зүгээс энэ утсыг "тун ухаалаг "тэнэг" утас" хэмээн тодорхойлов. Light-ийг ухаалаг гар утасны дагалдагч гэж болно, зорилго нь хүмүүсийг ухаалаг гар утсаа гэртээ үлдээгээд амьдралыг мэдрэхэд нь туслах.
Light хоёр дахь бүтээгдэхүүн Light Phone 2 бую өмнөх загварын илүү сайжруулсан хувилбарыг гаргасан байна. Дэлгэцийн өмнө их цаг өнгөрөөх уураг тархинд ямар сөрөг нөлөөтэй талаар маш ул суурьтай судалгаануууд гарсаар байгаа. Тиймээс Light Phone бол цагаа олсон, цаашид эрэлт нь нэмэгдэл магадлалтай бүтээгдэхүүн яахин аргагүй мөн. Эцэг, эхчүүд ч хүүхдүүддээ ухаалаг ар утас авч өгөхийг таашаахаа больсон.
Light үүнийг дэмждэг тул цагийн гарз болсон сошиал медиа, тоглоом зэргийг утаснаасаа хасчээ.
Light-ыг Жо Холье болон Кай Тан нар үүсгэн байгуулсан.
Холье урлаг, дизайн, киноны чиглэлийн мэргэжилтэй. Өмнө нь хувийн студитэй, скэйтбордын Five on That нэртэй компанитай байсан. Тан бүтээгдэхүүний загвар, хөгжүүлэлтийн салбарт ажиллаж, дэлхийг тойрон 10 жил ажилласан.
Тэд Google-ийн инкубаторт ухаалаг гар утасны апп-ын загвар гаргах санал авч, тэнд танилцсан. Гэвч залуус хүн төрөлхтөн донтуулдаг апп-аар хахаж цадсан гэж шийдээд ухаалаг гар утасны хэрэглээг багасгах бүтээл хийхээр шийджээ.
Flurry компанийн хийсэн судалгаанаас америкчууд ухаалаг гар утсаа өдөрт таван цаг оролддог гэсэн дүнг харж болно. Энэ цагийн дийлэнхийг хүмүүсийн анхаарлыг татах зорилготой сэтгэл зүйн заль мэх ашигладаг Instagram, Facebook, Twitter, Snapchat тэргүүтэй аппд зориулдаг ажээ. Эдгээр аппыг бүтээсэн Цахиурын хөндийн технологичид өөрсдөө хүртэл хүүхдүүдээ ухаалаг гар утаснаас хол байлгадаг.