"Таван толгой" ХК-иас  мэдэгдэл гаргалаа. Уг мэдэгдэлд түр хугацаанд зогсоод байсан нүүрс борлуулалтын үйл ажиллагаа хэвийн болж коксжих, сул коксжих болон коксжих чанаргүй ангиллын нүүрсийг борлуулж байгааг мөн экспортын орлогоо нэмэгдүүлэх боломжийн талаар өгүүлжээ.


МЭДЭГДЭЛ

"Монголын хөрөнгийн биржийн I ангилалд бүртгэлтэй "Таван толгой" ХК-ийн түр хугацаанд зогсоод байсан нүүрс борлуулалтын үйл ажиллагаа 2018 оны 08 сарын 16-ны өдрөөс эхлэн хэвийн явагдаж эхэллээ. Ингэснээр Тавантолгой-Цагаанхад, Цагаанхад – Ганцмод боомт чиглэлийн дагуу коксжих, сул коксжих болон коксжих чанаргүй ангиллын нүүрсийг борлуулж байна.

Харин Тавантолгой-Ганц модны боомт чиглэлд үүсээд байгаа 50-70 км урт цуваа бүхий тээврийн замын ачаалал буурч, замын ачаалал хэвийн болсон тохиолдолд Тавантолгой-Ганцмод /уртын урт/ чиглэлд нүүрс тээвэрлэн борлуулж, экспортын орлогоо нэмэгдүүлэх боломжтой болох юм. 

Борлуулалт зогссон хугацаанд компанийн дотоод ажлуудаас гадна хөрс хуулалт болон бусад өдөр тутмын ажлуудыг хийж гүйцэтгэн ажилласан нь борлуулалтыг нэмэгдүүлэх боломжийг бий болгож байна" гэж компанийн зүгээс мэдээллээ.