“Иргэн төвтэй төрийн үйлчилгээний жил”-ийн хүрээнд Татварын Ерөнхий газар, Нийслэлийн Засаг даргын Тамгын газар хамтран Авто тээврийн хэрэгсэл эзэмшигч иргэдэд зориулсан үйлчилгээг хэрэглээнд нэвтрүүлээд байна.

Авто тээврийн хэрэгсэл эзэмшигч иргэд ухаалаг утасны SMARTCAR аппликейшн болон тээврийн хэрэгслийн нэгдсэн цахим үйлчилгээний smartcar.mn, https://e-tax.mta.mn цахим хуудуудад хандаж, хугацаа хэмнэн, авто тээврийн хэрэгслийн албан татвар, агаарын бохирдол, зам ашигласны төлбөрийг бүх банкны онлайн гүйлгээний эрхтэй төлбөрийн карт, QPay үйлчилгээ ашиглан төлбөрөө төлөх бүрэн боломжтой.

Хэрвээ иргэн Та өөрийн биеэр автотээврийн болон өөрөө явагч хэрэгслийн албан татвар, агаарын бохирдлын төлбөр, авто зам ашигласны төлбөрийг төлөх бол Нийслэлийн Үйлчилгээний Нэгдсэн Төвүүд, татвар төлөх салбар төвүүдийн татварын албаны байцаагчид хандан банкинд дугаарлахгүйгээр банкны карт уншигч буюу ПОС машинаар төлбөрөө төлж цаг заваа хэмнэх боломжтой боллоо.

Татвар төлөх ажлыг Нийслэлийн Үйлчилгээний Нэгдсэн Төвүүдүүдээс гадна дараах салбар төвүүдэд нэвтрүүлэн ажиллаж байна.

  1. Нийслэлийн Татварын Газар
  2. БЗД-ийн авто оншилгооны төв
  3. Авто тээврийн үндэсний төвийн “5 ган” салбар
  4. БГД-ийн авто оншилгооны төв
  5. СХД-ийн авто оншилгооны төв
  6. Авто тээврийн үндэсний төвийн “Цирк” салбар
  7. Авто тээврийн үндэсний төвийн “Нисдэг машин” салбар
  8. Авто худалдааны цогцолбор 22 товчооны салбаруудаар тус тус татвараа төлөх боломжтой.


Эх сурвалж: Нийслэлийн Мэдээлэл, технологийн газар