Харшил XXI  зууны хамгийн түгээмэл өвчний нэг болоод байна. Харшил судлаачдын үзэж буйгаар харшил бүрэн удамшдаг өвчин ажээ. Тухайлбал аав ээж нь хоёулаа харшилтай бол хүүхэд харшилтай болох магадлал 60-80 , эмээ өвөө, нагац, авга ахын аль нэгэн харшилтай бол 40-60 хувь гэдгийг анагаах ухааны мэргэжилтнүүд тогтоожээ.

Статистик мэдээнээс үзвэл дэлхийн хүн амын 20 орчим хувь нь харшилтай байдаг гэсэн судалгаа хийгдсэн байдаг. Энэ тоо жил бүр өссөөр байгаа бөгөөд шалтгааныг нь харшил судлаач, эмч нар байгалиасаа хэт холдсоных гэж үздэг ажээ.

Сүүлийн үед эрдэмтэд хүний бие дэх витамин Д-гийн хэмжээ багасах нь харшлын өвчинөөр өвдөхтэй хамааралтай талаар ярьж нотолгоо бүхий судалгаанууд хийж эхэлжээ. Энэ бол судлаачдын тунд хамгийн сонирхол татсан халуун сэдэв юм. Гэхдээ эмчийн зааваргүйгээр витамин Д дурааргүй хэрэглэж болохгүйг Монголын харшил судлалын нийгэмлэгийн тэргүүн, Анагаах ухааны доктор, профессор, харшлын эмч С.Мөнхбаярлах зөвлөж байна. Витамин уухаасаа өмнө арьсанд сорил эсвэл цусанд харшил тодорхойлох шинжилгээг урьдчилан хийлгэх ёстой ажээ.

Доорх хүснэгтээс харшил хэрхэн удамшдагийг харна уу.


Share