“Алтан бөмбөрцөг”-т нэр дэвшигчдийг зарлажээ

Ирэх 1 дүгээр сарын 6-нд болох 76 дахь удаагийн “Алтан бөмбөрцөг” кино наадамд нэр дэвшигчдийг Гадаадын сэтгүүлчдийн холбооны ёслолын үеэр зарлажээ.

“Шилдэг драм кино” төрөлд  найруулагч Райан Куглерийн “Хар ирвэс”, Спайк Лигийн “BlacKkKlansman”, Брайан Сингерийн “Bohemian Rhapsody”, Барри Женкинсийн “Хэрвээ Бил гудамж ярьдаг байсан бол”,  жүжигчийн Брэдли Куперийн найруулсан “Од төрсөн нь” кинонууд нэр дэвшжээ.

“Шилдэг инээдмийн болон мюзикл кино” төрөлд Грекийн найруулагч Йоргос Лантимосын “The Favourite”, Жон М. Чугийн “Галзуу баян Азиуд”, Питер Фарреллийн “Ногоон ном”, Роб Маршаллын “Мэри Поппинсэргэн ирж байна”, Адам Маккеягийн “Эрх мэдэл” кинонууд оржээ.

“Гадаад хэл дээрх шилдэг кино” төрөлд Мексикийн "Рома", Ливан-Америкийн "Капернаум", Бельги-Нидерландын “Охин”, Германы “Werk ohne Autor”, Японы “Дэлгүүрийн хулгайчид” зэрэг кино багтсан байна.

Эх сурвалж: МОНЦАМЭ агентлаг, ТАСС