Барилга угсралтын талбайд ажил гүйцэтгэж байсан ажилтан өндрөөс унаж нас барсан харамсалтай хэрэг гарчээ.

Тодруулбал, Хан-Уул дүүргийн 4 дүгээр хороо, “Талст ширээт” ХХК-ний захиалгаар баригдаж буй зоорьтой 16 давхар 2 блок барилгын В1 блокийн барилгын ажил гүйцэтгэгч “Авай цахир” ХХК нь барилга угсралтын талбайд БНбД 12-03-04 болон БНбД 12-04-06 тоот “Барилгын үйлдвэрлэлийн хөдөлмөрийн аюулгүй ажиллагааны дүрэм”, БД 12-106-14 тоот “Ажлын байрны зааварчилгаа өгөх аргачилсан зөвлөмж” -ийн холбогдох заалтуудыг зөрчсөний улмаас 2019 оны 04 сарын 10-ний өдөр 1 давхарын хэв хашмалын угсралтын ажил гүйцэтгэж байсан ажилтан 4 метр орчмын өндрөөс унасан осол гарчээ. 

Иймд 2019 оны 04 сарын 11-ний өдрийн 02-06-049/64 тоот улсын ахлах байцаагчийн актаар барилгын ажлыг түр зогсоож, зөрчлийг арилгуулах хугацаатай үүрэг өгч ажиллаж байна.

Эх сурвалж: НМХГ