Коронавирустэй холбоотой асуудлаар Эрүүл мэндийн яам, холбогдох байгууллагууд өнөөдөр 11.00 цагт мэдээлэл хийлээ.

Энэ үеэр ХӨСҮТ-ийн захирал Д.Нямхүү "Хоёрдугаар сарын 28-нд ХӨСҮТ-д тусгаарлагдсан 5 хүний бүгдийнх нь шинжилгээнээс коронавирус илрээгүй. Хоёрдугаар сарын 29-нд сэжигтэй тохиолдол ХӨСҮТ-д хоёр, Сэлэнгэ аймагт 9-ыг тусгаарласан. Тусгаарлагдсан тэдгээр 11 хүнд тандалт, шинжилгээ, эмчийн үзлэг хийж байна" хэмээлээ.

Сэлэнгэ аймагт тусгаарлагдсан тохиолдлууд нь БНСУ-аар ОХУ-ын улсаар дамжин ирж буй хүмүүс юм. Сэлэнгэ аймгийн Онцгой байдлын газраас автобус гаргаж, мэргэжлийн хяналтын байгууллага тандалт хийн тэднийг улсын хилээр нэвтрүүлж, сэжигтэй тохиолдлуудыг тусгаарлаж, бусад хүнийг ажиглалтад аваад байна.

Share