НЦГ-ын Мөрдөн шалгах газрын Хулгайлах гэмт хэрэгтэй тэмцэх хэлтсийн алба хаагчид бусдын автомашин хулгайлан өнгийг нь өөрчлөн ашиглаж байсан этгээдүүдийг илрүүлэн, баривчилжээ.

Хулгайч нар Сонгинохайрхан дүүргийн 6 дугаар хороонд байрлах орон сууцны гаднаас иргэн М-ын "Hyundai Accent" маркийн автомашиныг энэ сарын 14-15-нд шилжих шөнө хулгайлж, өнгийг нь өөрчилж будаад ашиглаж байсан нь шалгалтын явцад тогтоогдсон байна. Сэжигтэн Л, М нар Улаанбаатарын харьяат бөгөөд хотод 21 настай, эхнэр хүүхдийн хамт амьдардаг аж. Хэргийг Сонгинохайрхан дүүргийн  Цагдаагийн нэгдүгээр хэлтэст шалгаж байна.


Share