ВАШИНГТОН. /TASS/. Твиттерээр жиргэх нь олон нийтийн хэвлэл мэдээллийн хэрэгслүүдийн гүтгэлгээс өөрийгөө хамгаалах цор ганц арга хэлбэр юм хэмээн АНУ-ын Ерөнхийлөгч Дональд Трамп хэлжээ.

“Олон нийтийн хэвлэл мэдээллийн хэрэгслүүд миний хийж буй ажлыг үнэн зөвөөр мэдээллэдэг байсан бол надад Твиттерээр жиргэх шаардлага ч гарахгүй байх байлаа. Энэ л миний өөрийгөө хамгаалах цорын ганц арга болоод байна” хэмээн тэрбээр “C-Span” телевизэд ярилцлага өгөхдөө мэдэгдсэн байна.

Түүнчлэн Твиттерээр дамжуулан хийсэн мэдэгдэл бүрээр нь мэдээ бэлтгэдэг сэтгүүлчдэд тэрбээр гомдоллож байгаагаа  илэрхийлжээ. 

Эх сурвалж: Монцамэ агентлаг