УИХ-ын чуулганы өнөөдрийн нэгдсэн хуралдаанаар УИХ-ын гишүүн Ч.Хүрэлбаатарыг Засгийн газрын гишүүн, Сангийн сайдаар томилсон томилгоонд Ерөнхийлөгчийн тавьсан хоригийн асуудлаар хэлэлцлээ. Уг асуудлаар гишүүд байр сууриа илэрхийлж,  Ерөнхийлөгчийн хоригийг хүлээж авах боломжгүй гэсэн томъёоллоор санал хураалт явуулахад хуралдаанд оролцсон гишүүдийн 84.4 хувь нь дэмжлээ. Ингэснээр Сангийн сайдаар Ч.Хүрэлбаатарыг томилсон томилгоог хэвээр үлдээж буй юм.