Токио дахь Элчин сайдын яамны консулын хэлтэсээс Япон улс руу ажилд зуучилна гэсэн иргэдийг хуурах, залилах зорилго бүхий зар мэдээлэлд хууртахгүй байхыг анхааруулж, сэрэмжлүүлэг гаргалаа.

Тус сэрэмжлүүлэгт:

Сүүлийн үед Facebook зэрэг олон нийтийн цахим сүлжээгээр 20-40 насны хүмүүсийг 3-5 жилийн хугацаатай гэрээний ажилд зуучилж, ажил болон амьдрах орон байраар хангах, Япон Улсад урт хугацаагаар оршин суух зөвшөөрлийг гаргаж өгөх, ялангуяа цагаачлалын визийг авахад зуучилж өгнө гэсэн зарлал мэдээлэл маш ихээр гарч эхлээд байна.
Энэхүү зарын дагуу хэсэг бүлэг хүмүүс монгол иргэдээс зуучлалын хөлс нэхэн нутаг нэгтнээ хүний нутагт залилан хуурах явдал удаа дараа давтагдан гарч байгаа тул олон нийтийн цахим сүлжээн дэх энэ төрлийн аливаа зарлалд хууртагдахгүй байхыг анхааруулж байна" гэжээ