Азийн шилдэг 100 гарааны бизнесийн нэг болох боломж бүрдлээ


02 сарын 14, 2018

Startup Mongolia 2018 оны нэг зорилго Монгол гарааны бизнесүүдээ дэлхийн тавцанд гаргах бөгөөд үүний хүрээнд бид "Top100 APAC 2018" гэх хөтөлбөртэй албан ёсоор нэгдээд байна. Энэхүү хөтөлбөрийг e27- с санаачлан зохион байгуулдаг ба гарааны бизнесүүдэд доорх том боломжуудыг олгодог.

Үүнд:
-Шинэ зах зээлд нэвтрэх
-Хөрөнгө оруулалт авах
-Бизнесээ азид таниулах
-Танилийн хүрээгээ асар томоор тэлэх
-Хөрөнгө оруулагчид бизнесээ танилцуулах (Pitch)
гэх мэт боломжуудыг олгодог бөгөөд үүнд шалгарсан гарааны бизнесүүд нь 2018 оны 06 сард Сингапур улсад болох "Echelon Asia Summit 2018"-д оролцох эрх болон Сингапурын гарааны бизнесийн экосистемтэй танилцах аялал багтаж байгаа юм. 
Уг хөтөлбөр нь нийт 3 шатнаас бүрдэнэ:

I-р шат:  https://e27.co/echelon/asia/register линкээр бүртгүүлж "e27"-н багийнхан бүртгэлийг шалгаж үзнэ
Жич: эхний шатны бүртгэл нь 02 сарын 21-г хүртэл дээрх хуудсаар авна.

II-р шат: e27 шалгаруулсан багуудыг "Startup Mongolia" байгууллагад мэдэгдэх бөгөөд тухайн багуудыг бид тодорхойлох буюу баталгаажуулж дахин e27-д илгээж мэдэгдэнэ.

III-р шат: e27 нь биднээс тодорхойлсон багуудыг дахин шалгаж Top100-д оруулна.

Мөн энэхүү шалгаруулалтад та бүртгүүлсэн л бол тэнцсэн эсэх хамааралгүйгээр TOP 100-н академид хамрагдах боломжтой юм. Та бүхний чадна гэдэгт 200 хувь итгэлтэй байна. 


Дэлгэрэнгүй мэдээллийг: 80002662, Facebook page

Сэтгэгдэл бичих (2)

Та сэтгэгдэл бичихдээ бусдад хүндэтгэлтэй хандана уу. Ёс бус сэтгэгдлийг Peak.mn сайт устгах эрхтэй.