Хэрвээ та хавар Солонгост айлчилбал хүүхэд, эмэгтэйчүүд улбар шар өнгийн будгаар хумс болон хурууны өндгийг будсан байхыг ажиглах боломжтой. Энэ нь алсаас харахад хайш яйш хийсэн будалт эсвэл хоол болон үсний будагны толбо болчихсон ч юм шиг харагдана. Гэсэн хэдий ч энэ будаг нь химийн гаралтай биш бөгөөд цэцэг болон ургамлын навчны шүүснээс гарган авдаг. Өнгөний хувьд хеннатай төстэй.


Солонгост намайг бага байхад эцэг эх болон багш нар хумсны будаг хэрэглэхийг хориглодог байлаа. “Ахлах сургуульд орох хүртэл” хэмээн байнга хэлнэ. Гэхдээ жилдээ ганц удаа энэхүү дүрэм үйлчилдэггүй. Балсамын цэцэрлэг цэцэглэх үед бид сургуулиа таран цэцэг навчнаас нь гараа дүүртэл таслан ээждээ хүргэж өгнө. Ээж тэр цэцгийг бяцлан нухаж нялцгай зуурмаг болгон бидний хумсан дээр түрхсэний дараа улбар шар өнгийн толбыг хумсан дээр үлдээдэг бөгөөд яг л хумсаа будчихсан юм шиг санагддаг.



Эрт үед энэ дадлыг муу ёрын сүнснээс зайлуулдаг гэж үздэг байсан ч цаг хугацаа өнгөрөхөд Солонгос, Хятад эмэгтэйчүүд гоо сайхны зорилгоор хэрэглэж эхэлсэн байна.

Солонгосын заншилаар хэрэв улбар шар өнгө нь анхны цас орох хүртэл хумсан дээр үлдвэл та жинхэнэ хайртайгаа гэрлэнэ гэж итгэдэг аж. Зуурмаг нь нухсан балсамын (impalsens balsamina) цэцэг, навчаас бүрдэнэ. Гайхалтай нь эдгээр цэцэгнүүдийн молекулууд нь Энэтхэгийн хеннад байдаг химийн бүтэцтэй адилхан гэнэ.



Эх сурвалж: https://nextshark.co

Share