ШИНЭ ДЕЛИ. /NDTV/. Энэтхэгийн сар судлах “Chandrayaan-2” төхөөрөмж Сарны тойрог замд өнөөдөр амжилттай нэвтэрсэн талаар тус улсын Сансар судлалын агентлаг мэдээлжээ.


Өнгөрсөн долдугаар сарын 22-нд “Chandrayaan-2” төхөөрөмжийг тээсэн “GSLV Mark 3” пуужин Бенгалын булан дахь Шрихарикота арлын сансрын буудлаас амжилттай хөөрсөн билээ. Уг төхөөрөмжийн “Vikram” нэртэй газардагч ирэх есдүгээр сарын 7-нд Саран дээр газардах оролдлого хийнэ.  


Энэ сарын эхээр “Chandrayaan-2” анхны зургуудаа илгээсэн юм. “Chandrayaan-2” даалгавраа амжилттай биелүүлсэн тохиолдолд Энэтхэг нь АНУ, ОХУ, БНХАУ-ын дараа дэлхийн дагуул дээр төхөөрөмжөө амжилттай газардуулсан дөрөв дэх улс болох юм. 

Эх сурвалж: Монцамэ агентлаг

Share