“Урт цагаан” худалдаа, үйлчилгээний төвийн барилгыг буулгаж эхэллээ

Чингэлтэй дүүргийн гуравдугаар хороонд байрлах  “Урт цагаан” худалдаа, үйлчилгээний төвийн барилгыг нурааж эхэллээ. 

Мэргэжлийн байгууллагуудын зүгээс Урт цагааны барилгыг болзошгүй аюулт үзэгдэл, техникийн холбогдолтой осол гарсан үед иргэдийн амь, эрүүл мэнд, эд хөрөнгөд ихээхэн хэмжээний хохирол учруулах эрсдэлтэй гэж үзэн, нураах дүгнэлт гаргасан билээ. 

Тэгвэл өнөөдөр Уртцагааны А корпусыг буулгаж байна. 

Энэ талаар Улаанбаатар хотын ерөнхий менежер Ц.Төрхүү 

"Урт цагаанд олон аж ахуйн нэгж үйл ажиллагаа явуулдаг ч гэрээ хийсэн 24 аж ахуйн нэгж, зургаан иргэн байдаг. Эдгээр нь хамгийн бага үнээр нийслэлтэй гэрээлж, цааш нь түрээслэдэг байсан. 2020 онд Нийслэлийн Засаг даргын “Урт цагаан” худалдаа, үйлчилгээний төвийн үйл ажиллагааг зогсоох тухай захирамж гарснаас хойш эдгээр иргэн, аж ахуйн нэгжтэй түрээсийн гэрээ байгуулаагүй ч үйл ажиллагаагаа явуулсаар байсан. Нийт зургаан удаа албан мэдэгдэл өгсөн" гэлээ.