Грекийн нийслэл Афин хотноо Эртний Грек, Ромын өв соёлын судлалын дэлхийн II чуулган эхэлж, 200 гаруй орны эрдэмтэн судлаач, албаны төлөөллүүд оролцож байна. 

"Өнгөрснөөс өнөөдөрт: Эртний мэргэн ухааны үнэ цэнэ" сэдвийн хүрээнд зохион байгуулагдаж буй хоёр өдрийн чуулганаар эртний соёл иргэншлийн үлдээсэн оюуны өв, хүмүүнлэг үзэл, тэдгээрийн орчин үеийн нийгэмд үзүүлэх нөлөөллийн талаар хэлэлцэж байгаа юм. 

Тус чуулганд Хятад, Грекийн эртний өв судлаачид болон дипломат албаныхан, хэвлэл мэдээллийн байгууллагууд оролцож байна. 

Чуулганы хүрээнд "Ёс суртахуун ба боловсрол", "Найрамдал ба хамтын нийгэмлэг", "Энх тайван ба дэг журам", "Технологи ба иргэншил" зэрэг сэдвээр салбар хуралдаанууд зохион байгуулагдахаас гадна соёлын солилцоог дэмжих цуврал арга хэмжээ болох аж. 

Оролцогчдын үзэж буйгаар эртний иргэншлүүдийн үлдээсэн гүн ухаан, хүмүүнлэг үнэт зүйлс, мэдлэгийн өв нь хүн төрөлхтний хөгжил дэвшилд олон талаар эерэг нөлөө үзүүлсэн. Тиймээс энэхүү мэдлэг, туршлагыг орчин үеийн хөгжилтэй уялдуулан ашиглах нь ирээдүйн тогтвортой хөгжлийн үндэс болохыг хэлэлцүүлгийн үеэр дурдсан байна. 

Эртний Грек, Ромын өв соёлын судлалын дэлхийн анхдугаар чуулган 2024 онд Бээжин хотноо болж байсан. Түүнээс хойш Хятад, Грекийн байгууллагууд энэ чиглэлийн олон улсын хамтын ажиллагаа, эрдэм шинжилгээний солилцоог өргөжүүлэх чиглэлд нягт хамтран ажиллаж иржээ.

Эх сурвалж: Xinxua news