Монгол Улсын БШУЯ болон АНУ-ын ЭСЯ, БШУЯ-ны хамтын ажиллагааны үр дүнд Фулбрайтын магистрын тэтгэлэгт хөтөлбөрт хамрагдах оюутны тоог 2 дахин нэмэгдүүлэх гэрээг байгууллаа.
Ингэснээр 2025 оны хичээлийн жилээс эхлэн 40 хүртэл оюутан АНУ-ын шилдэг их, дээд сургуульд магистрын хөтөлбөрт суралцахаар боллоо.
Энэхүү хөтөлбөрт хамрагдагчдад тавигдах үндсэн шалгуур нь:
- Монгол Улсын иргэн бөгөөд Монгол Улсад оршин сууж байх;
- 1.5 болон түүнээс дээш жилийн бүтэн цагаар ажилласан ажлын туршлагатай байх;
- Дээд боловсролтой байх (бакалаврын эсвэл дүйх зэрэг);
- Англи хэлний чадвар сайтай байж, мэргэжлийн чиглэлээсээ хамааран TOEFL IBT, TOEFL PBT/ITP эсвэл дүйх IELTS оноотой байх;
- АНУ-д өмнө нь ямар нэг байдлаар зорчиж байгаагүй буюу цөөн удаа зорчсон оролцогчид давуу талтай. АНУ-ын ногоон карт эзэмшигч монголчууд өргөдөл гаргах эрхгүй болохыг анхаарна уу.