Энэ жил Нийслэлийн Захирагчийн ажлын алба  халтиргаа гулгаанаас урьтаж 1400 тонн хайлуулагч бодисыг ОХУ-аас авчээ.

Татан авалтыг наймдугаар сараас эхлэн хийсэн байна. Давсаа орон нутгаас бэлддэг бол цас хайлуулах бодисоо ОХУ-аас авдаг ажээ. Нөөцлөхдөө нэг тонн давсыг 300-350 мянган төгрөгөөр, 1 тонн бодисыг 470 мянган төгрөгөөр худалдан авчээ.

Нэг метр квадрат цастай газар нэг килограммаас дээш давс цацдаг бол хайлуулах бодис 300-хан грамм ордог ажээ. Найрлагад нь хүнсний давс, магни хлорид, кальци хлорид, хүхэр хүчлийн магнийн давс, сульфат кальци, кальцийн гидро карбонат, кальцийн карбонат болон усанд үл уусах бодис агуулагддаг юм байна.