Эрдэнэт үйлдвэрийн 49 хувийг төр хууль бусаар эзэмшилдээ шилжүүлсэн асуудлаар нэхэмжлэл гаргасан Монгол зэс корпораци Иргэний хэргийн хяналтын шатны шүүхэд ялалт байгууллаа.

Тэд Засгийн газрыг хууль бус аргаар компанийн 49 хувийг  төрд шилжүүлж, хувийн өмчийг хуулиар хамгаалсан эрхэд халдлаа гэж үзэж ийнхүү удаа шүүхдэлцэн энэ удаа ч бас ялсан юм. 

Тус компани "Засгийн газар хоорондын протоколын дагуу “Ростех” компани 49 хувийг эзэмшдэг болсон тогтоол бий. УИХ үүнийг хүлээн зөвшөөрсөн гэсэн үг. Үүгээр ч зогсохгүй гуравдагч этгээдэд худалдсантай холбоотой 100 сая ам.долларын торгууль ногдуулах талаар Ажлын хэсгийн дүгнэлтэд дурдсан. Энэ мөнгийг ч бид Монгол Улсын Засгийн газраас нэхэмжилж авна. Мөн худалдан авалтын үеэр гаргасан зардал, хүүгийн төлбөр, ирээдүйд олох байсан орлого зэргийн зардлыг ч нэхэмжлэхээс өөр аргагүйд хүрч байна" хэмээн мэдэгдэж байсан билээ. 

Одоогоор энэ шийдвэртэй холбоотойгоор улс төрчид ямар нэгэн мэдэгдэл хийгээгүй байна.