Орхон аймгийн Онцгой комисс өнөөдөр хуралдаж, шинэ коронавирусийн халдвараас урьдчилан сэргийлэх зорилгоор тус аймгийн нутаг дэвсгэрт үйл ажиллагаа явуулдаг баар, караоке зэрэг цэнгээний газруудын үйл ажиллагааг гуравдугаар сарын 2-ны өдрийг хүртэл зогсоохоор шийдвэрлэлээ.

- Мөн бүх үйлчилгээний газрууд 18:00 цагаас хойш архи, согтууруулах ундаагаар үйлчлэхгүй байх, 

- Төрийн болон төрийн бус байгууллагуудын албан хаагч, иргэд маскаа тогтмол зүүж хэвших, маск зүүгээгүй иргэдэд үйлчилгээний байгууллагууд үйлчлэхгүй байх,

- Байгууллагууд биеийн халуун хэмждэг багажийг ашиглах, үйлчлүүлэх иргэдийн биеийн халууныг хэмжих, 

- Томоохон худалдаа, үйлчилгээний төвүүд, нийтийн эзэмшлийн талбайд тодорхой графикийн дагуу ариутгал халдваргүйжилтын ажлыг яаралтай зохион байгуулах шийдвэрийг гаргалаа.

Share