Сонгинохайрхан дүүргийн хэмжээнд энэ онд 22 байршилд хүүхдийн тоглоомын талбайг шинэчлэн байрьж байгааг тус дүүргийн Засаг дарга Ц.Баттөр мэдээллээ. 

Нийслэлийн удирдах ажилтнуудын шуурхай зөвлөгөөний болж дүүргүүд хот, нийтийн аж ахуй, ногоон байгууламжийн чиглэлээр хийж буй ажлуудаа танилцуулсан байна. Энэ онд нийслэлийн хамгийн том дүүрэг болох СХД-т дараах ажлууд хийгдэж байгаа аж. Тодруулбал,

• 19.4 мянган ам.метр талбайд явган замыг засаж шинэчилж, 10 байршилд дулаан автобусны зогсоол, 17.8 мянган ам.метр талбайд автомашины зогсоол барьж байна. 
• Мөн долоон байршилд нийтийн эзэмшлийн зам талбайг тохижуулж, 411 гудамж, 3938 айл өрхийн хаягийг шинэчилсэн.
• Түүнчлэн зургаан байршилд авто замын бүтээн байгуулалт, дөрвөн байршилд зөөврийн усан сан, хоёр байршилд үерийн далан, есөн байршилд цахилгаан хүчдэл нэмэгдүүлэх, хоёр байршилд инженерийн байгууламжийн ажлууд хийж байна.