БАНГКОК. /TASS/. Тайландын хаан Маха Вачиралонгкорн /Х Рама/ улсынхаа 27 эмнэлэгт эмнэлгийн тоног төхөөрөмж худалдан авахад зориулж, 2.4 гаруй тэрбум бат буюу 75.25 сая ам.доллар хандивлажээ. “Bangkok Post” сонинд мэдээлснээр, хандивын мөнгийг мөн эмнэлгийн байгууллагуудад шинэ салбарууд нээхэд зарцуулах аж.

Хааны үзүүлсэн санхүүгийн тусламжид 2016 оны 10 дугаар сарын 13-нд таалал төгссөн, Тайландын хаан IX Рамаг оршуулах ёслолд олон нийтээс өгсөн хандивыг оруулжээ. Мөн өнгөрсөн оны сүүлээр Бангкок хотод зохион байгуулсан “Un Ai Rak” өвлийн үзэсгэлэн худалдааны үеэр цугларсан мөнгө байгаа юм.

Сүүлийн 10 гаруй жил зэвсэгт бүлэглэлүүд үйл ажиллагаагаа явуулж байгаа Паттани болон Яла мужийн хамгийн өмнөд хэсэгт оршдог эмнэлгүүд хаанаас мөн хандив хүлээн авчээ.

Тайландын хаан X Рама эцэг Пумипона Адульядетагаа таалал төгссөнөөс 50 хоногийн дараа 2016 оны 12 дугаар сарын 1-нд хаан ширээнд заларсан байна. Түүнийг хаан ширээнд залах ёслол энэ сарын сарын 4-нд болсон аж.


Эх сурвалж: Монцамэ агентлаг

Share