Тээврийн хэрэгслийн "аз"-ын гэх дугааруудыг дуудлага худалдаагаар зарахаар шийдвэрлэсэн. 

Энэ дагуу Зам тээврийн хөгжлийн сайдын тушаалаар батлагдсан “Автотээврийн хэрэгслийн бүртгэл хөтлөх улсын дугаар олгох журам”-ын хүрээнд тээврийн хэрэгслийн улсын бүртгэлийн тодорхой дугааруудыг худалдах нээлттэй цахим дуудлага худалдааг зарлажээ. Дуудлага худалдаа 2021 оны 02 дугаар сарын 15-наас эхэлнэ.

Үүнтэй холбоотойгоор "аз"-ын дугаарын дуудлага худалдаанд хэрхэн оролцож, дугаар авах зааврыг хүргэж байна.

1. Автотээврийн үндэсний төвийн https://auction.transdep.mn// сайт руу орно.

2. Тус сайтын "Нэвтрэх" гэсэн хэсгийг сонгож, өөрийн товч мэдээллийг оруулан бүртгүүлнэ.

3. Бүртгүүлснээр таны имэйл хаягт код ирнэ. Тухайн кодоор орж "холбоос" хэсэг дээр дарснаар таны мэдээлэл шалгагдаж, баталгаажна.

4. Сайтын "Дуудлага худалдаа" цэс рүү орж хүссэн дугаараа сонгоно.

5. Өөрийн хэрэглэдэг Интернет банкаа ашиглан дэнчин байршуулна. 

6. Дуудлага худалдаа эхэлснээр оролцогчид ээлж дараалан үнээ нэмнэ. Хамгийн өндөр мөнгөн дүн оруулсан нь дугаараа өөрийн болгон авна.

Дугаараа авч чадаагүй бусад оролцогчийн мөнгийг буцаан олгоно. Дуудлага худалдаагаар олсон мөнгийг хүүхдийн төлөө үйлсэд зарцуулна гэдгийг Автотээврийн үндэсний төвөөс мэдэгдсэн.

Дуудлага худалдааны цахим хаяг: auction.transdep.mn

Дуудлага худалдаанд тавих дэнчингийн хэмжээ: 50,000 / тавин мянган/ төгрөг

Худалдан авах гэрээний нөхцөл: Хамгийн өндөр үнэ өгсөн оролцогч тухайн дуудлага худалдааны ялагч болох бөгөөд худалдан авсан улсын дугаарын үнийг 24 цагийн дотор төлж, “Улсын бүртгэлийн дугаар олгох гэрээ” байгуулснаар баталгаажна.

Холбогдох утасны дугаар: Лавлах утас 1900-1234

Дуудлага худалдаагаар худалдах улсын дугаарууд, дуудлага худалдаа эхлэх хугацаа

Энд дарж, зургийг томоор харна уу.