СӨҮЛ. /РИА Новости/. Өмнөд Солонгост залуусын дийлэнх нь улс орноо там гэж үзэж, эх орноосоо явахыг илүүд үзэж байгааг нийгмийн судалгааны дүн харуулжээ. Судалгааны дүнг "Хангёре" сонин иш татан мэдээлсэн байна.

Судалгаагаар, 19-34 насны 9 залуу тутмын 8 нь улс орноо “там” гэж үзэж байгаа бол 75 хувь нь эх орноосоо явна гэж найдаж байгаагаа илэрхийлжээ. Үүний зэрэгцээ эмэгтэйчүүдийн түгшүүрийн түвшин эрэгтэйчүүдийхээс илүү байгааг судалгаа харуулжээ. 

Судалгааны дүнг Солонгосын эмэгтэйчүүдийн хүрээлэнгийн жендерийн эрх тэгш байдлын 119 дүгээр чуулга уулзалтын үеэр танилцуулжээ. 35-59 насныхны хувьд судалгаанд оролцогчдын 64 хувь нь улс орноо там гэж үзсэн бол 65 хувь нь эх орноосоо явах хүсэлтэй байгаагаа илэрхийлсэн байна. Энэхүү судалгаанд 19-59 насны 5 мянган хүнийг хамруулжээ. 

Эх сурвалж: Монцамэ агентлаг