БЭЭЖИН. /NHK/. Мягмар гарагт БНХАУ-ын нийслэл Бээжин хотын “Capital” олон улсын нисэх буудалд “Air China” компанийн нисэх онгоцонд зорчигчдыг сууж байх үеэр гал гарсан байна.


Бүх зорчигчийг нүүлгэн шилжүүлсний дараа галыг бүрэн унтраажээ. Нисэх буудлын ажилтнуудын мэдээлснээр, нисэх онгоцны ачааны хэсгээс утаа савсаж байсан ажээ. Уг нисэх онгоц Токио хотыг зорин хөөрөх гэж байжээ. "Гал гарсан шалтгааныг мөрдөн шалгана" гэж “Air China” агаарын тээврийн компаниас мэдээлсэн байна. 


“Weibo” цахим хуудсанд нийтэлсэн гэрэл зургуудаас үзэхэд нисэх онгоцноос цагаан утаа гарч байжээ.


Эх сурвалж: Монцамэ агентлаг

Share