Харвардын Ерөнхийлөгч тэднийг гуйлгачин, тэдний сургуульд сурах эрхгүй хэмээн үзсэн. Тэрээр тухайн үед түүний өмнө ямар агуа хүмүүс сууж буйг мэдсэн ч болоосой… Магадгүй та тэдний түүхийг бүтнээр мэдэхгүй бол энэ зураг дээрээс хараад тэднийг танихгүй байх.

Даруухан хослолтой нөхрийн хамт энэ гандсан даашинзтай эмэгтэй Бостоны галт тэрэгний буудал дээр буун Харвардын Их Сургуульд очжээ. Гэтэл нарийн бичиг тэднийг харан уулзалт товолж өгөөгүй байна. Учир нь тэрээр эхний харцаар тэднийг өмссөн хувцаар дүгнэжээ.

  • “Бид Ерөнхийлөгчтэй уулзмаар байна”, - хэмээн нөхөр хэлжээ.
  • “Тэрээр бүтэн өдөр завгүй”, - нарийн бичиг хариулжээ.
  • -Бид хүлээж байя”, - эмэгтэй хэлжээ.

Хэдэн цагийн турш нарийн бичиг тэднийг үл тоож, тэднийг удалгүй шантран явах байх гэж боджээ. Гэтэл тэднийг хаашаа ч явахгүйг ойлгосон тэрээр Ерөнхийлөгчийг сатааруулхаар шийдсэн байна.

  • “Та тэднийг нэг минут ч гэсэн уулзаад явуулчих уу?”, - хэмээн нарийн бичиг асуужээ.

Харин Ерөнхийлөгч санаа алдан, дурамчхан зөвшөөрчээ. Ийм чухал хүнд илэгдсэн даашинз, хямд хослол өмссөн хүмүүст гаргах цаг байхгүй нь мэдээж.

Тэднийг орсны дараа Ерөнхийлөгч тэдэнрүү ихэмсэгээр харжээ. Тэр үед эмэгтэй түүнд:

  • Бид нэг хүүтэй байсан. Тэрээр танай сургуульд нэг жилийн хугацаанд сурсан. Хүү маань сургуульдаа дуртай, маш аз жаргалтай байсан. Харин харамсалтай нь жилийн өмнө нас барчихсан. Харин нөхөр бид хоёр их сургуулийн газар нутаг дээр түүний дурсгалыг үлдээхийг хүссэн юм.

Энийг сонссон Ерөнхийлөгч огт баярлаагүй, харин эсэргээрээ улам дургүй нь хүрсэн.

  • Хатагтай! Бид Харвардад сурч байгаад нас барсан хүн бүрт хөшөө босгож чадахгүй. Хэрэв бид тийм зүйл хийдэг байсан бол их сургууль оршуулгын газар болон хувирах байсан.
  • Үгүй ээ, - Ерөнхийлөгчийн яриаг эмэгтэй таслав, - бид хөшөө босгохыг хэлээгүй байна. Бид Харвардын их сургуулийн шинэ салбар (байр) барьж өгөхийг хүссэн юм.

Ерөнхийлөгч тэдний хувцасыг харсанаа:

  • Байр гэнэ ээ? Та нэг байр хэдэн төгрөг болохыг мэдэх үү? Харвардын байр бүр 7 сая доллараас дээш үнэтэй.

Эмэгтэй дуугуй суув.

Энэ үед Ерөнхийлөгч тэднийг явах нь хэмээн баярлан инээв.

Эмэгтэй нөхөрлүүгээ харан аяаахан хэллээ:

  • Шинэ сургууль барих ийм хямд юм уу? Тэгвэл бид өөрийн их сургуулийг барьвал ямар вэ?

Нөхөр өөртөө итгэлтэй нь араггүй толгой дохижээ. Харин Харвардын Ерөнхийлөгч сандарсан, гайхсан, яаахаа мэдэхгүй болжээ. Ноён, хатагтай Стэнфорд босон Ерөнхийлөгчийн өрөөг орхин гарчээ. Тэд Калифорни мужийн Пало-Альтод хүүгийнхээ гэгээн дурсгалд зориулж Стэнфордын их сургуулийг үүсгэн байгуулжээ. Стэнфордын их сургууль бол хувийн их сургууль бөгөөд дэлхийн хамгийн нэр хүндтэй, АНУ-ын болон Дэлхийн шилдэг их сургуулиудын шилдгийн нэг юм. Тус сургуулийг 1891 АНУ-ын сенатор, Калифорни мужийн захирагч асан Леланд Стэнфорд болон түүний эхнэр Жейн Стэнфорд нар үүсгэн байгуулжээ.