Бямба гарагт эхэлсэн их хэмжээний хүчтэй аадар борооны улмаас хэд хэдэн зам боогдож, зарим газар иргэд усанд осолдож амь насаа алджээ.

Төв аймгийн Лүн сумын нутгаар хүчтэй аадар бороо /2019.06.15/ 15:30 цагаас эхлэн орсны улмаас Атар 13 гэх газар үер бууж, улмаар Баянхангай сумаас Лүн сум хүртэлх 110-113 км-т засмал зам цөмөрчээ. 

Авто зам, замын байгууламжууд үерт автаж эвдэрсэн тул иргэдийн амь нас, эрүүл мэнд, эд хѳрѳнгийг болзошгүй гамшгаас урьдчилан сэргийлэх зорилгоор Улаанбаатар-Тѳв аймгийн Лүн сум, Тѳв аймгийн Лүн сум-Улаанбаатар чиглэлийн авто зам, замын байгууламжийг 2019 оны 06 сарын 16-ны ѳдрийн 18:00 цагаас 2019 оны 06 сарын 17-ны ѳдрийн 18:00 цаг хүртэл түр хааж, автотээврийн хѳдѳлгѳѳнийг хязгаарлаад байна гэж Онцгой байдлын ерөнхий газраас мэдээллээ.

Борооны дараах Улаанбаатар манай гэрэл зурагчны дуранд хэрхэн буусныг хүргэж байна.