УИХ-ын гишүүн Ж.Эрдэнэбат, Г.Тэмүүлэн нар дөнгөж сая УИХ-ыг тараахыг дэмжиж гарын үсэг зурлаа.
Ардчилсан намын улс төрийн зөвлөл энэ сарын 5-нд хуралдаж, улс төр, нийгэм, эдийн засагт үүсээд буй гацааг гаргах цор ганц арга нь УИХ-ыг тарааж, ээлжит бус сонгууль явуулах хэмээн үзсэн. Тиймээс тус намынхан УИХ-ыг тараахыг дэмжиж буй УИХ-ын гишүүдийн гарын үсгийг цуглуулж эхлээд буй юм.
Тус бланкад Ж.Эрдэнэбат, Г.Тэмүүлэн нар гарын үсэг зурлаа.
Энэ үеэрээ УИХ-ын гишүүн Ж.Эрдэнэбат "Өнөөдөр албан тушаалын төлөөх хүсэл сонирхлыг улам төрүүлэх хуулийг УИХ баталлаа. Тиймээс энэ УИХ цаашдаа үйл ажиллагаа явуулах чадамжгүй байна, тарах ёстой гэж үзэн УИХ-ыг тараах бланкад гарын үсэг зурлаа" хэмээв. Өмнө нь тус бланк дээр:
Ардчилсан намын гишүүд болох
- УИХ-ын гишүүн Д.Мурат
- УИХ-ын гишүүн З.Нарантуяа
- Б.Наранхүү
- Б.Пүрэвдорж
- Я.Санжмятав
- С.Эрдэнэ
- Д.Эрдэнэбат нар
Монгол Ардын намын гишүүд болох
- Ж.Бат-Эрдэнэ
- Х.Нямбаатар
- Ж.Мөнхбат
- Н.Номтойбаяр
- Д.Хаянхярваа нарын нийт 12 гишүүн гарын үсэг зураад байсан бол өнөөдөр 14 боллоо.
64.119.21.135
Хариулах 2019.01.19
76 tarwal goy shdee harin hurelsuh mongoliin haanaas bol haanaas 1 eer garna
0 0