ЯКУТ. /TASS/. "Хаадын тоглоом" цувралын Якут дахь шүтэн бишрэгчид нь тус киноны гол дүрүүдийн нэг болох Жон Сноугийн дүрээр хийсэн баримлыг зохиолч Жорж Мартинд бэлэглэнэ гэдгээ мэдэгджээ. Хагас үнэт чулуу болон арслан зааны ясан шигтгээтэй цэвэр мөнгөн 3 кг жинтэй тус баримлыг бүтээх мөнгийг шүтэн бишрэгчид нь босгосон байна.  

"Бидэнд энэхүү гайхамшигтай ертөнцийг бэлэглэсэнд баярласан талархсанаа илэрхийлэхийг бид хүсэж байна. Оросын шүтэн бишрэгчдийн нэрийн өмнөөс бид Жон Сноугийн дүрээр хийсэн баримлыг зохиолч Жорж Мартинд гардуулна” хэмээн энэхүү үйл ажиллагааг санаачлагчдын нэг Татьяна Егорова ярьжээ.

“Хаадын тоглоом” цувралын  хамгийн сүүлчийн буюу 8 дугаар бүлэг энэ онд гарсан юм. “Хаадын тоглоом” цувралыг зохиолч Жорж Мартины “Мөс болон цасны дуу” романаас сэдэвлэн бүтээжээ. Хамгийн анхны бүлэг нь 2011 оны 4 дүгээр сарын 17-нд дэлгэцнээ гарч байсан аж. Энэхүү кино нь телевизийн түүхэн дэх хамгийн үнэтэй төслүүдийн нэг юм. 


Эх сурвалж: Монцамэ агентлаг

Share