НИТХ дахь МАН-ын бүлгийнхэн дотроо хоёр хуваагдаж хотын дарга С.Амарсайханыг огцруулахаар гарын үсэг зурж эхэлжээ. Одоогоор  НИТХ-ын 10 төлөөлөгч  гарын үсэг зураад буй. Хэрэв дахин 5 хүн гарын үсэг нэмж зурвал уг асуудлыг хэлэлцэх аж. Гэхдээ хуулийн хугацаа буюу 14 хоногийн дотор уг асуудлыг хэлэлцэх журамтай.

Нийслэлийн Засаг дарга бөгөөд Улаанбаатар хотын захирагч С.Амарсайханыг огцруулах үндэслэлийг гарын үсэг зурсан НИТХ-ын гишүүд тайлбарлахдаа нийслэлийг ажлыг гацаасан, томоохон тендерүүд зарлагдаагүй хэмээн үзэж буй.

Товлосон ёсоор өнөөдөр өглөө НИТХ 10 цагт хуралдаж агаар, орчны бохирдлын асуудлаар ярилцах ёстой ч ирц одоог хүртэл ирц бүрдээгүй хэвээр байна. Одоогийн байдлаар 45 гишүүнээс дөнгөж 22 нь хуралдаа ирээд байна.

Нийслэлийн ИТХ-ын дарга Р.Дагва:

Хотын фракц дотроо хоёр хуваагдсан зүйл байхгүй. Хүн хоорондын үл ойлголцол, харилцааны асуудал байж мэднэ. Хотын даргыг огцруулах асуудлыг би дэмжихгүй. Харин ч ажлаа сайн хийж байгаа.

НИТХ-ын төлөөлөгч Ж.Батсайхан:

Үнэндээ нийслэлийн ажил зогссон. Дөнгөж 166 ажлын гэрээ хийгдсэн. Ийм бүтэлгүй хүнээр удирдуулж байгаа цагт хот өөдлөхгүй. Одоогоор хотын даргыг огцруулахаар 10 хүн гарын үсгээ зураад байна.

Share