Тайванд 15 настай хүү төрсөн өдрийнхөө орой 9 цаг 30 минутын үед "Legends of Legends" нэртэй компьютер тоглоом тогложээ. Тухайн үед аав нь шалгалтандаа бэлдэхийг шаардан компьютерийг нь унтраасны улмаас хүү нь амиа хорлосон хэрэг гарсан байна.

Аав нь Ченийг өрөөнд нь үлдээн хэсэг хугацаа өнгөрсөний дараа хүү гурван давхарын цонхоор үсрэн хатуу хучилттай зам дээр толгойгоороо унажээ.

Уг хэрэг явдал 3-р сарын 23-нд Тайваны Чингуа мужид болсон ба хүүгийн нэр нь тодорхойгүй ч Чен овогтой хэмээн Apple Daily, Тайваны орон нутгийн хэвлэл мэдээлжээ. 

Энэ харамсалтай явдлыг хүүгийн өвөө нь анх мэдсэн бөгөөд 10 цаг 30 минутын үед хүүгийн толгойноос цус алдан, байшингийнхаа гадаа хэвтэхийг олж харсан аж. Түргэн тусламж дуудан тусламж үзүүлсэн ч гэсэн хүү эмнэлэгт хүргэгдээд үүрийн 3 цагт нас баржээ.

Хүү сурлагадаа сайн, аав эгчийн хамт амьдардаг байсан гэнэ.  Тэрээр ахлах сургуулийн элсэлтийн шалгалтын стрессээс ангижрахын тулд ойр ойрхон тоглох болсон нь эцгийнх нь уцаарыг хүргэн уг золгүй явдалд хүргэсэн байна.

Эх сурвалж: https://nextshark.com/