Нэгэн төрлийн мансууруулах бодисын тунг хэтрүүлсний улмаас 2016 онд 42 мянган америк хүн нас баржээ. Энэ үзүүлэлт нь 2015 оныхтой харьцуулахад 50 хувь илүү аж.  Энэ тухай АНУ-ын Өвчний хяналт, урьдчилан сэргийлэх төвийн илтгэлд дурджээ.
 
“2016 онд АНУ-д янз бүрийн төрлийн мансууруулах бодисны тунг хэтрүүлэн хэрэглэсний улмаас 63,6 мянган хүн нас баржээ. Энэ үзүүлэлт нь 2015 оныхоос 21,5 хувиар илүү байгаа юм.  Эдгээр тохиолдлын 66 хувь нь нэгэн төрлийн мансууруулах бодисны тунг хэтрүүлэн хэрэглэсэнтэй холбоотой байна” хэмээн уг илтгэлд тэмдэглэсэн аж.
 
Мансууруулах бодисны тунг хэтрүүлэн хэрэглэсний улмаас АНУ-д өдөрт дунджаар 174 хүн нас баржээ.

Өвчний хяналт, урьдчилан сэргийлэх төвийн шинжээчдийн ярьж байгаагаар, мансууруулах бодисын тунг хэтрүүлсний улмаас амиа алдсан хүмүүсийн тоо эрс нэмэгдэх болсон шалтгаан нь АНУ-д нэгэн төрлийн синтетик мансууруулах бодис өргөн тархах болсонтой  холбоотой аж. Тухайлбал фентанил хэмээх нэгэн төрлийн мансууруулах бодис нь морфиноос 100, героиноос 50 дахин илүү хүчтэй нөлөө үзүүлдэг гэнэ. АНУ-д мансууруулах бодисын тунг хэтрүүлэн хэрэглэх явдал голдуу 25-44 насныханд тохиолдсон байна.




Эх сурвалж: МОНЦАМЭ агентлаг