Шинэ коронавирусийн халдвараас урьдчилан сэргийлэх арга хэмжээний хүрээнд Улсын онцгой комиссын шийдвэрээр Монгол, Япон улсын хоорондын хоёр талын нислэгийг түр зогсоосон хугацааг гуравдугаар сарын 11-нийг дуустал сунгасан.

Уг шийдвэрийн дагуу дээрх хугацаанд хоёр улсын хооронд зорчих тасалбар авсан бол төлбөрийг шимтгэлгүй буцаан олгох юм.

Үүнтэй холбоотойгоор агаарын тээврийн МИАТ ТӨХК "COVID-19-ийн халдвараас урьдчилан сэргийлэх зорилгоор "МИАТ" ТӨХК-ийн Улаанбаатар-Токио-Улаанбаатар чиглэлийн бүх нислэг 2020 оны 02 дугаар сарын 28-ний өдрөөс 03 дугаар сарын 11-ний өдрийг дуусталх хугацаагаар цуцлагдсан. Зорчигчид Та бүхэн тийз худалдан авсан агент руугаа холбогдоно уу" хэмээн цахим хуудсаараа мэдээлжээ.