БНСУ-ын Гуми мужид 56 настай монгол эмэгтэй "Б" амь насаа алдсан гэмт хэрэг гарсан билээ.

Тэгвэл уг хэргийг үйлдсэн этгээд баривчлагджээ. Тэрбээр монгол эмэгтэйн амь насыг бүрэлгээд, цогцсыг нь өөрийн гэрийн ойролцоох цагаан будааны талбайд нуусан байжээ. Тус хотын цагдаагийн газар уг хэргийг илрүүлсэн бөгөөд сэжигтэн бүсгүйг боомилж хороосон байж болзошгүй талаар мэдээлжээ. 

Эмэгтэйн гэр бүл холбоо барьж чадахгүйн улмаас тус улсын цагдаагийн газарт хандаж ийнхүү эрэн сурвалжилсан байдаг.

Сэжигтэн А-ын утсанд хохирогч бүсгүйн дуудлага зурвас үлдсэн бөгөөд энэ мөрөөр нь мөрдлөг хийж цогцсыг олсон юм.

Энэ талаар БНСУ-дахь Монгол Эмэгтэйчүүдийн Нэгдсэн Холбоо фэйсбүүк группэд "Монгол эмэгтэйг маань солонгос хүн хөнөөж цагаан будааны талбайд булсан хэрэг гарчээ. Яг шударга үнэндээ бол бид хүний нутагт байгаа. Энэ солонгосчууд хурдацтай хөгжиж байгаа нийгэм эдийн засгийн ачааллаа дийлэхгүй сэтгэлзүйн хоцрогдолтой хүмүүс зөндөө. Бид хүний нутагт өөрийгөө, өөрсдийгөө маш сайн хамгаалж болгоомжлох хэрэгтэй шүү. Дээр нь нэмж хэлэхэд Солонгосчууд өөрсдийн ард иргэдийн эрх зөрчигдөвөл яаж төмөр нудрагаа үзүүлж чадсан, түүн шиг Монгол улс ч гэсэн одоо үзүүлэх цаг болсон шүү" хэмээн бичжээ.