НҮБ-ын Хүүхдийн Сангийн Шадар суурин төлөөлөгч Спесиос Хакизиманаг Монгол Улсын хүүхэд хамгаалал болон хүүхдэд ээлтэй нийгмийн хамгааллын тогтолцоог бэхжүүлэхэд үнэтэй хувь нэмэр оруулсныг нь өндрөөр үнэлж, Хөдөлмөр, нийгмийн хамгааллын сайдын тушаалаар  Хөдөлмөр, нийгмийн хамгааллын тэргүүний ажилтан цол, тэмдгээр шагнасныг Хөдөлмөр, нийгмийн хамгааллын Дэд сайд С.Зулпхар гардууллаа.

Шагнал гардуулах үеэр НҮБ-ын Хүүхдийн Сангийн Шадар суурин төлөөлөгч Спесиос Хакизимана “Энэ шагналыг би Монгол дахь НҮБ-ын Хүүхдийн Сангийн хамт олныхоо нэрийн өмнөөс хүлээн авч байна. 

Манай баг, хамт олон хүүхэд хамгааллын тогтолцоог бэхжүүлэх, хүүхдийн хөгжлийг дэмжих, хүүхдэд ээлтэй нийгмийн хамгааллын бодлого явуулахад нь Монгол Улсын Засгийн газрын тасралтгүй дэмжин ажиллаж ирсэн. Ялангуяа КОВИД цар тахлын үед хүүхэд хамгаалал, бодлогын чиглэлээр цаг алдалгүй дэмжлэг үзүүлэн ажиллаж байна” хэмээн онцлов.

Share