НИТХ-ын Тэргүүлэгчдийн өнгөрсөн баасан гарагийн хуралдаанаар ээлжит бус анхдугаар хуралдааныг энэ сарын 12-ны 10.00 цагт хуралдуулахаар товложээ. Тус хурлаар Хурлын хороо, дэд хороог байгуулах асуудлыг хэлэлцэх аж.

Нийслэлийн ИТХ үндсэн чиг үүргээ өөрийн хороодоор дамжуулж гүйцэтгэдэг. Хороодын бүтэц, чиг үүрэг хэр оновчтой буйгаас шалтгаалж, ИТХ үр бүтээлтэй ажиллах эсэх нь тодорхойлогддог. Дэгийн дагуу нэг төлөөлөгч хоёр хүртэлх хороонд ажиллах боломжтой.

Өнгөрсөн дөрвөн жилд Хурал таван хороо, есөн дэд хороотойгоор үйл ажиллагаагаа явуулсан. 

Тэгвэл ирэх дөрвөн жилд: 

  1. Хүний хөгжлийн хороо, 
  2. Эдийн засаг төсвийн хороо, 
  3. Засаглал эрх зүйн шинэтгэлийн хороо, 
  4. Байгаль орчны хороо, 
  5. Хот байгуулалтын хороо, 
  6. Зам тээвэр, хөдөлгөөн зохицуулалтын хороо гэсэн зургаан хороо, эдгээрийн 16 дэд хороо байгуулахаар Ажлын хэсэг санал гаргасан байна.


Эх сурвалж: Нийслэлийн ИТХ-ын ХМОНХТ

Share