Нийслэлийн Засаг дарга С.Батболд замын хөдөлгөөний ачааллыг бууруулах зорилгоор их, дээд сургуулиудыг хотоос гаргах санаачилга гарган Боловсрол, соёл, шинжлэх ухаан, спортын сайд Г.Чулуунбаатарт хамтран ажиллах санал хүргүүллээ. Өнөөдрийн байдлаар Улаанбаатар хотод төрийн болон хувийн хэвшлийн 96 их, дээд сургууль, коллежид 150 мянган оюутан суралцдаг бөгөөд эдгээр сургуулийг хотоос гарган цогцолбор болгосноор нийслэлийн замын хөдөлгөөний ачаалал тодорхой хэмжээгээр буурна гэж үзэж байгаа юм байна.